حمد

اے میرے ربّ کریم
تو ہی مالک تو رحیم … تو بڑا رحمان
 المُُحیُ نام تیرا  ،المُمیتُ بھی ہے تو
 غافرُالذّنبِ تو ہی ہے قابلِ التوبِہے تو
مالکِ عرش بریں ہے مالکِ ارض و سماں  … تو بڑا رحمان
تو نے ابراہیم پر آگ کو گلشن کیا
بدلے اسماعیل کے تو نے ذبیحہ رکھ دیا
مرتبہ جس کا تو چاہے کرتا ہے کتنا بڑا… تو بڑا رحمان
تو خبر رکھتا ہے سب کی کیا غریب کیا امیر
راہ  دکھلاتا ہمیں بن کر ہمارا تو رشید
تو اِلہ العالمیں ہے تو ہی ربّ العالمیں … تو بڑا رحمان
عزتیں سب تجھ کو زیبا دیتی ہیں میرے خدا
رزق ہر ذی روح کو کرتا ہے تو ہی تو عطا
تو ہی خالق ، تو ہی مالک ، تو ہی رازق تو سخا … تو بڑا رحمان
تو نے کوہِ طور پر موسیٰ سے ہوکر ہم کلام
اور کلیم اللہ کا ان کو دیا تونے خطاب
جلوہ اپنا بھی دکھایا اُن کو کوہِ طور پر… تو بڑا  رحمان

 شمشاد جلیل شاد

15/2, Rukmani Bhavan,  Shanker Shet Road
Pune-411042 (M.S) Mob: 94 20 86 48 59
E.mail: shamshadjtakidar@gmail.com
بشکریہ ’’غزالانِ حرم‘‘ مرتب: مشتاق دربھنگوی
……………………………………