|
* Jab namaaz-e-muhabbat adaa kiijiye *
Jab namaaz-e-muhabbat adaa kiijiye,
Ghair ko bhii shariik-e-duaa kiijiye,
aa.Nkh vaale nigaahe.n churaate hai.n,
aa_iinaa kyuu.N na ho saamanaa kiijiye,
aa.Nkh me.n ashk-e-Gham aa bhii jaaye.n to kyaa,
cha.nd qatre to hai.n, pii liyaa kiijiye,
aap kaa ghar sadaa jagamagaataa rahe ,
raah me.n bhii diyaa rakh diyaa kiijiye ,
zer-e-paa hai.n sama.ndar kii gaharaa_iiyaa.N,
ab to saahil pe bhii tajurbaa kiijiye.
|
|