|
* Us Ko Aana Hai Aur Be-Naqab Ayega *
Us Ko Aana Hai Aur Be-Naqab Ayega,
jab tamana pe mere shabab ayega,
zulmaton ke pujari kahan jayenge,
jab chamakata hua afatab ayega,
aj kal mujhase vo bat karta nahi'n,
aur ab kya zamana Kharab ayega,
rand layega jab Khun mazalum ka,
vo zamana bhi jaldi janab ayega,
malik-e-maikada rind ho jayenge,
maikade men naya inqalab ayega,
sath us ke siva koi dega nahin,
jab "Saba" ka zamana Kharab ayega. |
|