Gazal
*********

Dil ke khilaf khud ko badalna parha mujhe
Ek rah-e-napasand pe chalna parha mujhe

Yado'n se uski bach nahi paya tamam umr
Her sham uski yaad me'n jalna parha mujhe

Wo jaa raha tha kaise bhalaa rokta use
Bachcho'n ke jaise aaj machalna parha mujhe

Ye jante hue na aayega woh kabhi
Jho'nti tasalliyo'n se behalna parha mujhe

Jinse mira mijaz na mil paya umr bhar
Unke mijaz-o-rang me'n dhalna parha mujhe

Jeene ka gardisho'n se hunar seekhta raha
Her baar gir ke khud hi sabhalna parha mujhe.

Shariq Barelvi
*****