Mere nasiib ne jab mujh se intaqaam liyaa, 
kahaa.N kahaa.N terii yaado.n ne haath thaam liyaa, 

fazaa kii aa.Nkh bhar aa_ii havaa kaa rang u.Daa 
sukuut-e-shaam ne chupake se teraa naam liyaa, 

[fazaa=vast expanse; sukuut=silence] 

vo mai.n nahii.n thaa ek harf bhii na kah payaa, 
vo bebasii thii ke jis ne teraa salaam liyaa, 

har ek Khushii ne tere Gham kii aabaruu rakhalii 
har ek Khushii se tere Gham ne inteqaam liyaa.