Kuch ajab shan se logo'n may raha karte the,
Ham khafa rah ke bhi apas may mila karte the,
Itani tahazib rah o rasm to baqi thi ki wo,
Lakh ranjish sahi wada to wafa karte the,
Us ne pucha tha kai bar magar   kya kahiye,
Ham mizajan hi pareshan raha karte the,
Khatm tha ham pe mohabbat ka tamasha goya,
Ruh aur jism ko har roz juda karte the,
Zindagi ham se tere naz uthaye na gaye,
Sans lene ki faqat rasm ada karte the,
Ham baras parate the `shaz` apani hi tanhai par,
Abr ki tarah kisi dar se utha karte the.