* Tay honge kis tarah ye marahil kaha na jae *
Tay honge kis tarah ye marahil kaha na jae
is tiragi may kya hai muqabil kaha na jae
Khud de diye hain main ne use hath kat kar
wo likh diya hai jo sar e mahafil kaha na jae
Patthar hue wo lafz ke the jite jagate
is khamashi se kya hua hasil kaha na jae
Ab tak to chal rahen hain tere sath sath ham
ayengi kis jagah had e fasil kaha na jae
Nasha hai ya ke zahar fiza may mila hua
kuch hai har ek chiz may shamil kaha na jae
Akhir kahin to baith gaye panw tor kar
phir kya kahenge agar ise manzil kaha na jae
Ye aur bat kuch bhi dikhai na de sake
ankhen khuli hui hon to gafil kaha na jae |