Samajh may ye nahi ata ki dil ki Khu kya thi
Safar to ath pahar ka tha justaju kya thi
Wo abashar ke pani si tab`a rakhata tha
Magar thake huye lahaje ki guftagu kya thi
Hui shikast jahan fateh ka yaqin hua
Koi chupa hua dushman tha arazu kya thi
Talash karate ho kis shay ko is Kharabe may
Darakht hi na rahe shakh e rang o bu kya thi
Tu aftab agar tha to kyon Gurub hua
Ye raushani see tere bad char su kya thi
Darakht pukhta chaten tor kar nikal aye
Ye ik azab hi tha quwat e namu kya thi