صدیق مجیبی

نام: ڈاکٹر صدیق مجیبی(گّدی)، ولدیت: محمدمجیب الرحمن : تعلیم: ایم اے، (اردو، سوشیالوجی )پی ایچ ۔ڈی، وطن۔ رانچی۔پتہ: سنٹرل اسٹریٹ، ہند پیڑھی ، رانچی ۔پیشہ۔ درس و تدریس ۔تصانیف:1 ۔ شجرِ ممنوعہ( شعری مجموعہ)

وفاکر مگر استواری نہ رکھ
کوئی بوجھ سینے پہ بھاری نہ رکھ
محبت کے بدلے محبت نہ مانگ
کہ یہ سلسلہ کاروباری نہ رکھ
کسی اور حیلے سے کر مستفیض 
فقط رسمِ بادہ گساری نہ رکھ
تو آیا ہے تو حرفِ مطلب پہ آ
زباں پر بہت خاکساری نہ رکھ
سلامت نہیں سر تو دستار کیا
بہت اونچی اپنی اٹاری نہ رکھ
حقیقت تجھے مار ڈالے گی سُن
مجیبیؔ بہت جانکاری نہ رکھ
٭٭٭٭