|
* Shamiim-e-zulf-e-yaar aaye na aaye *
Shamiim-e-zulf-e-yaar aaye na aaye,
mere dil ko qaraar aaye na aaye.
abhii aayaa hai hosh yaad-e-jaanaaN,
na taRpaa, baar-baar aaye na aaye.
chiraagh-e-zindagaanii bujh rahaa hai,
woo jaan-e-intezaar aaye na aaye.
kiyaa jo tum ne apne dil se poochho,
humaaraa aitbaar aaye na aaye.
nigaah-e-ahal-e-gulshan keh rahii hai,
khizaaN jaaye, bahaar aaye na aaye.
baRhegaa kaaravaaN manzil-ba-manzil,
ghubaar-e-raahguzar aaye na aaye. |
|