غزل

٭………سراج اورنگ آبادی

بہار ساقی ہے، بزم گلشن ہیں مطربانِ چمن  شرابی
پیالہ گل، سروِ سبز شیشہ ، شراب بو اور کلی گلابی
نہیں ہے بلبلِ کوں ایسے موسم میں درد و غم دھوپ سے خزاں کی
کہ آشیاں اس کو خس کا بنگلہ ہے، سایہ گل ہے آفتابی
ارے چکورو یہ چاندنی نہیں عبث کئے ہو ہجوم تم نے
ہوا ہے جوشِ بہار نسریں سے دھوپ کا رنگ ماہتابی
ہوا شفق پوش باغ و صحرا محیط ہے رنگ لالۂ و گل
غبارِ گلگوں ہے آب رنگیں ، زمیں ہیں سرخ اور ہوا شہابی
سراجؔ جس شوخ چشم کو کہہ کہ باغ میں منتظر نرگس ہے
ہجومِ شبنم سے لے کر موتی نثار کرنے کو بھر رکابی