غزل

٭………سراج اورنگ آبادی

خبر تحیر عشق سن، نہ جنوں رہا نہ پری رہی
نہ تو تُو رہا نہ میںرہا جو رہی سو بے خبر رہی
شہ بے خودی نے عطا کیا مجھے اب لباسِ برہنگی
نہ خرد کی بخیہ گری رہی نہ جنوں کی پردہ دری رہی
 چلی سمتِ غیب  سیں کیا ہوا کہ چمن ظہور کا جل گیا
مگر ایک شاخِ نہالِ غم جسے دل کہو سو ہری رہی
نظرِ تغافل یار کا گلہ کس زباں سے بیاں کروں
کہ شرابِ صد قدحِ آرزدخم دل میں تھی سو بھری رہی
وہ عجب گھڑی تھی میں جس گھڑی لیا درس نسخۂ عشق کا
کہ کتاب عقل کی تاک میں جوں دھری تھی تیونہی دھری رہی
تیرے جوش حیرت حسن کا اثر اس قدر سے یہاں ہوا
 کہ نہ آئینہ میں رہی جلا نہ پری کوں جلوہ گری رہی
کیا خاک آتشِ عشق نے دلِ بے نوائے سراجؔ کوں
نہ خطر رہا نہ حذر رہا مگر ایک بے خطری رہی
*******