|
* Khabar e tahayyur e ishq sun na junu'n raha na pari rahi, *
Khabar e tahayyur e ishq sun na junu'n raha na pari rahi,
Na to tu raha na to mai'n raha, jo rahi so bekhabari rahi,
Shah e bekhudi ne ata kiya mujhe ab libas e barahanagi,
Na Khirad ki bakhiyagari rahi na junun ki pardadari rahi,
Chali simt e Ghaib se ik hawa ki chaman zahur ka jal gaya ,
Magar ek shakh e nihal e Gham jise dil kahen so hari rahi ,
Nazar e tagaful e yar ka gila kis zaban son bayan karun,
Ki sharab e sad qadah arazu Khum e dil may thi so bhari rahi,
Wo ajab ghari thi main jis ghari liya dars e nuskha e ishq ka,
Ki kitab e aql ki taq may jyun dhari thi tyun hi dhari rahi. |
|