|
* Qadam uthne nahi'n paye qarabat gher leti hai *
Qadam uthne nahi'n paye qarabat gher leti hai
Jo sach poochho to bachcho'n ki mohabbat gher leti hai
Simatna chahte hai'n pao'n jis chadar ke goshe me'n
Usi goshe ki an dekhi zaroorat gher leti hai
Sulag uthti hai'n shakhe'n khushk patte been karte hai'n
Jaha'n perho'n ko mausam ki adawat gher leti hai
Kabhi patthar uthata hoo'n to purkhe yaad aate hai'n
Mere hatho'n ko khud meri sharafat gher leti hai
Koii kahta rahe kuchh bhi jawaban kuchh nahi'n kahta
Bas aise me'n "Sohail" aksar morawwat gher leti hai
Editor "shairi" Quarterly, 1055/9, Dastgeer Society,
F.B. Area, Karachi-75950 (Pakistan)
|
|