Duniyaa se wafaa karake silaa Dhuu.NDh rahe hai.n, 
ham log bhii nadaa.N hai.n ye kyaa Dhuu.NDh rahe hai.n ,
kuchh der Thahar jaaiiye ba.ndaa-e-insaaf ,
ham apane gunaaho.n me.n Khataa Dhuu.NDh rahe hai.n, 
ye bhii to sazaa hai ki giraftaar-e-wafaa huu.N, 
kyuu.N log mohabbat kii sazaa Dhuu.NDh rahe hai.n, 
duniyaa kii tamannaa thii kabhii ham ko bhii 'Faakir' ,
ab zaKhm-e-tamannaa kii davaa Dhuu.NDh rahe hai.n .