غزل

پیار کا بندھن کانچ کی چوڑی
لاج کا آنگن کانچ کی چوڑی

پیارا نازک سا رشتہ
باندھے تن من کانچ کی چوڑی

لاج کی ماری کھینچے گھونگھٹ
باجے چھن چھن کانچ کی چوڑی

روپ نہارے خود ہی اپنا
دیکھے درپن کانچ کی چوڑی

صورت پر اب کون نہ ریجھے
بھولی چتون کانچ کی چوڑی

دیکھ کے اُس کو ایماں جائے
گوری دلہن کانچ کی چوڑی

راگ ہیں پیارے بندھن سارے
کنگن ، جھانجھن ، کانچ کی چوڑی

صفیہ راگ علوی

HC47, Lake View Colony
Koh-e-Faza, Bhopal
(M.P)462001
Mob: 9981833215
Ph: 0755-2738788
بہ شکریہ جانِ غزل مرتب مشتاق دربھنگوی
+++