Qand ko zahar mat banaye'n huzoor
Wafadari bhi kuchh nibahe'n huzoor

Sar gara'n hai mezaj aali aaj
Bar-e-khatir hai keya bataye'n huzoor

Har taaluq ko torh de'n hozoor
Ho ke ham se khafa na jaye'n huzoor

Khun-e- na haque to khud hi bolega
Aap kitna use chupaye'n huzoor

Ham ne raushan kiya chiragho'n ko
Aag un se hi ab lagaye'n huzoor

Mehr ko ghair keon samajhte hai'n
Haal apna bhi kuchh sunaye'n huzoor

		20873, East Walnut Canyon road
		Walnut, CA-91789 (U.S.A)