Apna chehra chhupa rahe ho miya'n
Aina bhi dikha rahe ho miya'n

Kis bala ka hai tum me'n joshe khitab
Kis ka qissa suna rahe ho miya'n 

Kiyon hasad kar rahe ho tum ham se
Apna hi khoon jala rahe ho miya'n

Ham samjhte hai'n muddua dil ka
Baat ko kiyo'n ghuma rahe ho miya'n

Kuchh naye sher bhi sunao kabhi
Khota sikka chala rahe ho miya'n

Tum pe kis ka asar hua "Jami"
Sher kaise suna rahe ho miya'n

		D-12 Muniba Arcade, Block-7, Gulistane-e- Jauhar,
		Main University Road, Karachi-75950 (Pakistan)