* ان پہ گر ہوتی نہیں تیری ستم رانی ہو *
غزل
ان پہ گر ہوتی نہیں تیری ستم رانی ہوا
زندگی ہوتی دیئے کی کچھ تو طولانی ہوا
پھیر لی اک چھت کے نیچے بھائی نے بھائی سے آنکھ
آشنائی کے گھروندے میں تھی انجانی ہوا
کیا پتہ کیا شے چھپی ہے خاک کے بستر تلے
کر رہی ہے جس کی خاطر خاک گردانی ہوا
کیوں اڑا دیتی ہے جب تب اُس کو دیواروں سے تو
چھت غریبوں کی ہے یا تختِ سلیمانی ہوا
بِن ترے کچھ بھی مجھے اچھا نہیں لگتا صنم
چاند ، سورج ، روشنی ، سبزہ ، زمیں ، پانی ، ہوا
ہے ہوا کے جسم پر خوشبو مرے محبوب کی
لگ رہی ہے آج ناظم جانی پہچانی ہوا
سید ناظم رضا
5, Jannagar 2nd Lane
Kolkata-700014
Mob: 8100012718
بشکریہ ’’میر بھی ہم بھی‘‘ مرتب: مشتاق دربھنگوی
………………………
|