|
* Laakho.n kii sunaa tum ne taqadiir sa.Nvaarii hai *
Laakho.n kii sunaa tum ne taqadiir sa.Nvaarii hai,
mujh se yahii kah dete ab ke terii baarii hai,
Daalii hai nazar jab se ek nashaa saa taarii hai,
kyaa ko_ii parii saaqii shiishe me.n utaarii hai,
[taarii=happening]
kyaa us ko rijhaaye.nge jannat ke hasii.n jalve,
dahaliiz tere dar kii jis shaKhs ko pyaarii hai,
virase me.n milii ham ko shaahii bhii faqiirii bhii,
aur Gham to "Shafaq" goyaa jaagiir hamaarii hai,
[virase=inheritance]
|
|