(سید شاہ نعیم الدین نعیمی (شکاگو 

(لفظ ‘بعض ‘ کی طرحی ردیف پر غزل )

 
افواہوں کے مرغولے یوں تم نے ایسے اچھالے بعض

بے چینی کے پھیل گےئ ہیں ملک پہ بادل کالے بعض      
کوئ کسک ہے سینہ میں جو اک ہوک کا نشتر بنتی ہے 
نظر نہ آیں پر ہوتے ہیں ‘ دل میں ایسے چھالے بعض     
تھا علم کہ اس میں وفا نہیں پر ساتھ میں کتنا دور گیا
میٹھے میٹھے درد کےْ قضیے میں نے خود ہی پالے بعض    
 
یہ تو نہیں کہ دھاتوں کے ہی بنتے ہیں شمشیر و تبر  
لہجوں‘ لفظوں کے بھی اترے دل میں میرے بھالے بعض     
قتل ہوا کب‘ غبن ہوا ہے‘ لوگوں کی یہ حالت کیوں؟                               
قاضی بن کر شہری اندیشے میں نے خود ہی پالے بعض     
بیٹا باہر گیا کمانے‘ گھر میں باپ کی تنہائ                              
لے آتے ہیں تاریکی بھی‘ اپنے ساتھ اجالے بعض                            
پیسہ نہیں ہے ‘ گھر میں فاقہ‘ ان باتوں سے غرض نہیں   
اپنے آپ کے اندر رہ کر جیتے ہیں متوالے بعض                             
پاس نہیں گر رشتوں کا تو دل کے بند دروازہ پر                             
کھلنا مشکل ہوجاے ‘ جب پڑ جاتے ہیں تالے بعض                             
رکھتی ہے شدت کا اثر مظلوم کے لب کی ایک کراہ                            
عرش سے جا ٹکراتے ہیں پھر دل سے نکلے نالے بعض    
وہ شخص جو دور سا لگتا ہے‘ آۂگا نظر نزدیک تمھیں                            
تم دیکھو نعیمی اُس کو کبھی آنکھوں سے ہٹا کر جالے بعض    

  
۸۸۸۸۸۸۸۸۸۸۸۸۸۸۸۸۸۸۸۸۸