غزل

شہر نے لاکھوں کو جبکہ بے مکاں رہنے دیا
بجلیوں نے کس طرح یہ آشیاں رہنے دیا

چاند سورج ہی نہیں ہر شے کو ہے آخر فنا
میرے مالک نے ہی خود کو جاوداں رہنے دیا

بستیوں کی بستیاں زیرِ زمیں ہوتی رہیں
پھر بھی رب نے یہ جہانِ کن فکاں رہنے دیا

پاکبازی اُن کی زینت بن گئی قرآن میں
حضرتِ یوسف کو زیبِ داستاں رہنے دیا

مدتیں گزریں بدن کا اک نشاں باقی نہیں
دہر میں پھر بھی مرا حسنِ بیاں رہنے دیا

مہراس میں شک نہیں حیرت زدہ ہوں آج تک
دل کو مرہم رکھ کے بھی کیوں خونچکاں رہنے دیا

سیدہ مہر

Plot No.8,
Arish Colony
Katkat Gate Road
Aurrangabad-431001
(Maharashtra)
Mob: 9960348271
بہ شکریہ جانِ غزل مرتب مشتاق دربھنگوی
+++