نعت پاک

ہر ایک سانس محمدؐ کا نام لیتی ہے
زبانِ شوق محمدؐ کا نام لیتی ہے

خدا کے نام سے ہوتی ہے صبح کی تشکیل
حسین شام محمدؐ کا نام لیتی ہے

ہے کیسی شان کہ خلقِ خدا عبادت میں
خدا کے بعد محمدؐ کا نام لیتی ہے

بہشت زار نظر میں سمائے جاتے ہیں
زبان جب بھی محمدؐ کا نام لیتی ہے

سوادِ کعبہ جو پہنچی تو کیا سنا میں نے
ہوائے تازہ محمدؐ کا نام لیتی ہے

چلوگی مہر مدینہ تو جان جائوگی
فضا مہک کے محمدؐ کا نام لیتی ہے

سیدہ مہر

Plot No.8, Arish Colony, Katkat Gate Road
Aurrangabad-431001 (M.S)
Mob: 9960348271
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………