حمد

زمین تیری یہ سب آسماں بھی تیرے ہیں
بہ ماورائے جہاں سب جہاں بھی تیرے ہیں

فضا بسیط ہے فہم و خرد سے بالاتر
ستارے مہر و قمر کہکشاں بھی تیرے ہیں

ہے خوش گوار فضا اور حیات بار گھٹا
یہ جوئے بار یہ سیلِ رواں بھی تیرے ہیں

یہ جن و انس بہائم طیور بھی تیرے
جو سر بہ سجدہ ہیں کروبیاں بھی تیرے ہیں

گلوں کے رنگ ، یہ خوشبو ، یہ دلنشیں نغمے
ہے سبزہ زار ریاضِ جناں بھی تیرے ہیں

بساطِ مہر ہے کیا ، کیا میں تجھ کو پیش کروں
نہیں ہے کچھ بھی مرا جسم و جاں بھی تیرے ہیں

سیدہ مہر

Plot No.8, Arish Colony, Katkat Gate Road
 Aurrangabad-431001 (M.S)
Mob: 9960348271
بشکریہ ’’غزالانِ حرم‘‘ مرتب: مشتاق دربھنگوی
……………………………………