غزل

دامن کو سوکھے پھول سے بھرنا نہ چاہیں گے
ہرگز تری گلی سے گزرنا نہ چاہیں گے

ہم نے فصیلِ دل کو غموں سے سجا لیا
اشکوں کا موتی بن کے بکھرنا نہ چاہیں گے

برسوں کی ساری یادوں کو پل میں جھٹک دیا
ہم ٹوٹ بھی گئے ہیں تو مرنا نہ چاہیں گے

جس آئینے پہ آپ کی پڑتی نہیں نظر
اُس آئینے میں ہم بھی سنورنا نہ چاہیں گے

جس دل میں نازؔ تیرے لئے ہے دعائے خیر
اُس دل کو نامراد بھی کرنا نہ چاہیں گے

تبسم نازؔ
C/O Late S.M.Jeelani
Milkiana, Kahar Toli
Phulwari Sharif
Patna (Bihar)
Mob: 9308797925
Ph: 0612-6954269
بہ شکریہ جانِ غزل مرتب مشتاق دربھنگوی
+++