Dil kee wahshat nay keya keya deray daalay chehron per, 
bikhray rehtay hain jaisay jhaag umandtee lehron per. 
Dasht e tamanna mein jitna, aawazon kaa kaal para, 
Utnay chehray ug aaey ,goongay, banjar shehron per. 
Nashwo numaaey barg o bahaar, pesh e nazar ho yaa keh na ho, 
Ras boondein barsee to hain rookhay sookhay pehron per. 
Ghar kay sab baasee niklay, khaalee dil aur khaalee haath, 
Kis kay birtay daaloon mein, kachchee gaagar lehron per. 
Panghat kee dusrahat say itnee door na ja gori, 
Ghath lagaey tanhaaee aa baithee hay pehron per. 
Ishq kee aag mein jal jal ker dil to bantay hain kundan, 
murjha kar reh jaatay hain mausam phool say chehron per.
****