|
* Habs itna hay keh sanson ko hawa kehtay hain log, *
Habs itna hay keh sanson ko hawa kehtay hain log,
Loo agar chalnay lagay , baad e saba kehtay hain log.
Dam badam barhtee huee tanhaaeyon kay daur mein,
AArzoo e bazm e hastee ko khata kehtay hain log.
Jab garaan honay lagay taar e nafas ehsaas per,
Zindagee ko ishq, jeenay ko wafa kehtay hain log.
Lazzat e khud aagahee hay sunnat e azm e Husain(alaihissalam),
E\'etabar e zaat ko karb o bala kehtay hain log.
Haath khaalee aur kuchch bhee kaasa e dil mein naheen,
Dekhiye yeh bheid khulta hay to keya kehtay hain log.
Maachison kee teelion say kheltay hain roz o shab,
Aag lagtee hay to qismat ka likha kehtay hain log.
**** |
|