* خامشی بھی زباں نہ بن جاۓ *
خامشی بھی زباں نہ بن جاۓ
وجہ آہ و فغاں نہ بن جاۓ
جو پڑا ہے قفس میں مدّت سے
وہ ترا ترجماں نہ بن جاۓ
آج تنہا وہ اک مسافر ہے
کل وہی کارواں نہ بن جاۓ
سوچ، جس کی بھی تو پناہ میں ہے
وہ کہیں بے اماں نہ بن جاۓ
دل ترا جھومتا دھمال پہ ہے
تو کہیں بے اذاں نہ بن جاۓ
ھجر کی رات اتنی بھاری تھی
کوئی کوہ گراں نہ بن جاۓ
کوئی کچّا گھرا نہ رکھ جاۓ
تو بھی اک داستاں نہ بن جاۓ
جانے کب دلفگار ہو انجم
چاند تیری کماں نہ بن جانے
******** |