Mera Dil Ye chaahta hay

Mera dil ye chaahata hay
Tere ghar se tere college
K tamaam raastoN par
MaiN gulaab itnay phainkooN
Jo zamin ko chupa daiN
Tere paaoN un gulaaboN
Ko hasin tar bna daiN
Mera dil ye chaahta hay

Mera dil ye chaahta hay
Tera haath ziNdagi bhar
Mere haath se na chooTay
Meri dhaRkanoN ka naata 
Mere dil se TooT jaaye
Meri Rooh mere paikar
Se ba shoq chooT jaaye
Tera saath par na chooTay
Mera dil ye chaahta hay

Mera dil ye chaahta hay
keh maiN ban k aik challaa
Terei uNglioN maiN ghoomooN
Teri uNgliyoN ko choomooN
Tu thakan ki saa'atoN maiN
Meri chaahtoN maiN kho kar
Jo dabaaye lab se uNgli
MaiN tere laboN ko choomooN
Mera dil ye chaahta hay