|
* teri jabee'n pe likha tha ke tu bhula dey ga *
teri jabee'n pe likha tha ke tu bhula dey ga,
so mai'n bhi bhaanp gaya tha ke tu bhula dey ga,
her aik shakhs sey larta raha mai'n terey liye,
her ik ney mujh sey kaha tha ke tu bhula dey ga,
ye teri aankho'n pe halqey se parh gaey kaisey,
mujhey to tu ney kaha tha ke tu bhula dey ga,
nikaal laya hai ilzaam phir puraney tu,
ye hum ney taey bhi kia tha ke tu bhula dey ga,
kuchh is liye bhi ke ik till tha teri aankho'n mai'n,
mujhey to tab bhi pata tha ke tu bhula dey ga. |
|