* Sitam hawa ka agar tere tan ko ras nahi *
Sitam hawa ka agar tere tan ko ras nahi
Kahan se laoon wo jhonka jo mere pas nahi
Pighal chuka hoon tamazat may aftab ki main
Mera wajood bhi ab mere aas pas nahi
Mere naseeb may kab thi barahanagi apni
Mili wo mujh ko tamanna ki belibas nahi
Kidhar se utre kahan a ke tujh se mil jaye
Abhi nadi ke chalan se tu roshnas nahi
Khula para hai samandar kitab ki soorat
Wohi parhe ise akar jo nashanas nahi
Lahu ke sath gayi tan badan ki sab chahkar
Chubhan saba may nahi hai kali may baas nahi
|