* حسنِ سلوک سے نئی دنیا بنا کے دیکھ *
غزل
حسنِ سلوک سے نئی دنیا بنا کے دیکھ
دشمن بھی گر ملے تو گلے سے لگاکے دیکھ
اچھے بُرے کا فرق بتاتا ہے آئینہ
آئینہ جب بھی دیکھ ذرا مسکرا کے دیکھ
حاصل تجھے بھی ہوگا جہاں میں سکون چین
تو اپنے دل سے خواہشِ دنیا ہٹاکے دیکھ
خود ساختہ خدائوں کے آگے نہ سر جھکا
بس اک خدا کے سامنے سر کو جھکا کے دیکھ
آواز دے رہی ہیں تجھے دل کی وادیاں
آسودگی ملے گی ذرا پاس آکے دیکھ
تیرے رخِ حسیں سے کسی طرح کم نہیں
دل کی ضیاء کو میرے ذرا آزما کے دیکھ
اے زندگی ہے تجھ سے بس اتنی ہی التجا
اختر کی سمت دیکھ سدا مسکرا کے دیکھ
یوسف اختر
8, Patwa Para Lane, Narkeldanga
Kolkata-700011
Mob: 9331271504
بشکریہ ’’میر بھی ہم بھی‘‘ مرتب: مشتاق دربھنگوی
………………………
|