Ghazal numa

Musafiro’n ! hai tumhari khatir thakan mitane ke waste hi 
Darakhto’n ki yeh qatar lambi hai 
Jazeere ko nelgoo’n samundar ne us tarah se ajab saza dee 
Hesar khi’ncha banaya qaidee 
Hawayen dastak ki soorto’n me’n har aik lamha ha’nsi hai’n mujh par 
Ke dar jo khola na thha koii bhi 
Kaseef rishto’n ke ja’nglo’n se bachoo’n mai’n kaise ke shakal us ki 
Gharaz ke Ghaaze me’n chhup ke miltee hai 
“Jamal “ teri ghazal numa par “jameel shahid “ na kah utthe na  kyo’n 
ghazal numa ko naii jila di