* آسان نہیں نورِ رسالت کا احاطہ *
نعت پاک
آسان نہیں نورِ رسالت کا احاطہ
دنیا پہ محمدؐ کی امامت کا احاطہ
اللہ کی توصیف ہے یہ اسمِ محمدؐ
قرآن ہے محبوب کی چاہت کا احاطہ
کیا شان سعادت مرے یاران نبیؐ کی؟
ہر آن کیا قربت و صحبت کا احاطہ
درکار مجھے سرورِ کونین کی نسبت
تاحشر رہے دستِ شفاعت کا احاطہ
تشنہ ہے مری نعت کہ کامل نہیں اس میں
اْس نورِ مجسم کی وجاہت کا احاطہ
ہے قدرتِ اظہار کی طالب تری راجی
محبوبِ خدا سے کرے الفت کا احاطہ
زاہدہ رئیس راجی
Yusuf Haroon Rd. Near G.A.Q. Hospital
Karanchi-53 (Pakistan)
Email: zahidaraji@gmail.com
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………
|