حمد

یا ربِّ ذوالجلال ، تری شان ہے عجب
ہم پہ ترا کرم ، ترا احسان ہے عجب

انصاف کا جو در ہے ترا بے عدیل ہے
اللہ تیرے عدل کی میزان ہے عجب

تیرے ولی کو رنج کبھی کھا نہیں سکا
عالم میں تیرے قرب کی پہچان ہے عجب

دنیا کے مال و زر کی ضرورت نہ رہ سکی
جس کو ملی یہ دولتِ ایمان ہے عجب

تفسیرِ کائنات کو کھولا ہے جس طرح
تیرا کلام حق ہے یہ قرآن ہے عجب

دنیا کے سارے علم سموئے گئے جہاں
قرآں کے رنگ میں یہ دبستان ہے عجب

اس پر ہے ترا فضل مرے ربِ ذوالجلال
راجی بھی آج تیری ثنا خوان ہے عجب

زاہدہ رئیس راجی

Yusuf Haroon Rd. Near G.A.Q. Hospital
Karanchi-53 (Pakistan)
Email: zahidaraji@gmail.com
بشکریہ ’’غزالانِ حرم‘‘ مرتب: مشتاق دربھنگوی
……………………………………