* آندھی سے کب بجھا ابد آباد کا چراغ *
آندھی سے کب بجھا ابد آباد کا چراغ
جلتا ہے اب بھی دل میں تری یاد کا چراغ
سب رفتگاں تو جا بھی چکے جانب _ عدم
اک میں ہی رہ گیا مرے اجداد کا چراغ
میرے باؤجی(والد _ گرامی،جنہوں نے 25 صفر بمطابق 21 دسمبر 2011 شام چھ بجکر اٹھاون منٹ پر داعی ء اجل کی آواز پر بحکم اللہ لبیّک کہا
دنیا کی تند و تیز ہواؤں کو کیا خبر
روشن تھا تجھ ہی سے مری بنیاد کا چراغ
مدّھم ہوئ ہے اس ليے اشکوں کی روشنی
بجھنے لگا ہے اب دل _ برباد کا چراغ
جب تک یہ مرا طاقچۂ دل بخیر ہے
روشن رہے گا بندہ ء آزاد کا چراغ
اب تک کسی خیال کے مانند ذہن میں
لو دے رہا ہے وہ عدم آباد کا چراغ
باد _ اجل کے سامنے اس کائنات میں
روشن رہا ہے کب کسی بے داد کا چراغ
کچھ اس ليے بھی ہے مری مٹّی میں روشنی
میں ہوں ضیائ ! ایک زميں زاد کا چراغ
********************************** |