پہلے ، گزشتگاں کی صدا رفتنی لگی
 
پھر اس کے بعد ساری فضا رفتنی لگی 
 
 
وہ تیرگی دکھائ دی، ہے طاق میں مجھے
  
بجھتے  ہوۓ   ديئے   کی  دعا رفتنی لگی 
 
دل سے ،جب اسم _ ردّ _ بلا کا کیا میں ورد
 
 پھر  یوں  ہوا ،  ہر  ایک  بلا  رفتنی  لگی
 
 
اک دست _ ناز جسم کو سہلا رہا تھا یوں
 
 
مجھ  کو ہواۓ  ملک _ سبا رفتنی لگی 
  
 
دل کھینچ لے گیا تھا مجھے دشت کی طرف
 
 
جلنے لگا تو  مجھ کو گھٹا رفتنی لگی
 
 
میں کج کلاہ _ شہر ہوں ،معلوم تھا مجھے 
 
سر کو  کیا جو خم ، تو انا رفتنی لگی
 
 
 
تجھ سے بندھی ہوئ تھی ہر اک ڈور سانس کی
 
تو آگیا تو  مجھ  کو  قضا  رفتنی  لگی
 
 
 
 
کتنے چراغ لا کے اب آنکھوں لگائيۓ ؟
 
سورج بجھا تو مجھ کو ضیاء رفتنی لگی
 
 
 
ذاکر حسین صیائ