نعت پاک

آپ ہی شمس الضحیٰ ہیں آپؐ ہی بدرالدجیٰ
آپؐ ہی صدر العلیٰ ہیں آپؐ ہی کہف الوریٰ

آپؐ ہی کے دم قدم سے پھول میں ہے رنگ و بو
روشنی شمس و قمر میں اور تاروں میں ضیا

ہم مریضانِ محبت چشمِ پرنم دل حزیں
ہیں مسیحا آپ ہی ، اے بانیٔ رسمِ وفا

مشفق و روح الامیں و رحمۃ اللعالمیں
دیجئے اب تو بشارت اے شہِ جود و عطا

آپ مصباح الظّلم ہیں ، صاحبِ جود و کرم
اب تو ہو نظرِ کرم زرّیں پہ بھی ، نور الہدیٰ 

 پروفیسر) زرینہ زرّیں)

9A, Marcuis Street, 2nd Floor,
Kolkata-700016
Mob: 9831626973
Email: zarina.zarreen@gmail.com
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………