Zindagi tujh se mil kar zamana hua,
Aa tujhe aaj ham maikade le chale'n,
Raat ke naam honTho'n ke saGhar likhe'n,
Apani ankho'n me'n kuchh rat-jage le chale'n,
Kya hassin log hai'n,
Aankh aaho'n ki hai'n aur lab pankhari,
In ki araish-e-Khal-o-Khat ke liye,
Apani ankho'n ke ham aine le chale'n,
Ajanabi chehare me'n dost banate nahi,
Rishte-nato'n ki chandi barasti nahi,
Qurbate'n sohabate'n jin ki yaad aayengi,
Aise kuchh dosto'n ke pate le chale'n,
Un ki ankho'n ne jalate sulagate hue,
Manzaro'n ke siva kuchh bhi dekha nahi,
Chehara-e-afsos ke sakino'n ke liye,
Phul-o-Khushbu saba zam-zamen le chale'n,
Zindagi tujh se mil kar zamana hua.