AALMI ADBI FORUM KA 25TH. ONLINE FILBADEEH MUSHAIRA.!
MISRA-MAGAR PEENE KO IK QATRA NAHI'N HAI.! ----------
Wo Jiski Jeb Me Paisa Nahi'n Hai.,
Zamane Me Koi Uska Nahi'n Hai,,
Ye Kaduwa Hai Magar Sach To Yehi Hai.,
Bila Matlab Koi Rishta Nahi'n Hai,,
Ulajh Ke Reh Gaya Hun Zindagi Me.,
Nikalne Ka Koi Rasta Nahi'n Hai,,
Bahut Samjha Chuka Main Isko Lekin.,
Ye Dil Meri Kabhi Sunta Nahi'n Hai,,
Badan Mahsoos Karta Hai Thakawat.,
Magar Ye Zehn Kyun Thakta Nahi'n Hai,,
Baha Deta Hai Dariya Bastiyo'n Ko.,
"Magar Peene Ko Ik Qatra Nahi'n Hai",,
"Siraj" Ummeed Hi Kyunkar Ho Usse.,
Jo Apna Hai Magar Mera Nahi'n Hai....!
Siraj Dehlvi @ O.P.Agarwal 26/12/2014
|