DIYA ONLINE FILBADEEH TARHI MUSHAIRA.
(MAHFIL-E-HAMD.
TARHI MISRA-KHUDI HAI TAIGH-E-NIHA'N LAAILAHA ILLALLAH.! --------------------
Rahega Jispe Rawa'n Laailaha Illallah.,
Mahek Uthe Wo Zuba'n Laailaha Illallah,,
Is Ek Naam Ki Nooraaniyat Se Raushan Hain.,
Tamaam Kon-O-Maka'n Laailaha Illallah,,
Waha'n Farishte Lutate Hain Ne'amat-E-Rahmat.,
Parha Gaya Hai Jaha'n Laailaha Illallah,,
Sabab Isee Ke Jahannunm Ki Aag Se Beshak.,
Milegi Hamko Ama'n Laailaha Illallah,,
Yehi To Asl Me Unwaan-E-Zindagaani Hai.,
Yehi Hai Rooh-E-Rawa'n Laailaha Illallah,,
Khuda Ke Waaste Bande Khudi Se Baaz Aaja.,
"Khudi Hai Taigh-E-Fasa'n Laailaha Illallah",,
"Siraj" Khuld Ki Ummeed Kuchh To Ho Jaaye.,
Rahe Jo Vird-E-Zuba'n Laailaha Illallah....!
Siraj Dehlvi@ O.P.Agarwal 26/12/2014
|