GROUP-MAUJ-E-SUKHAN.!
PROGRAMME-61th. ONLINE AALAMI TARHI MUSHAIRA.!
MISRA-LAB PAR NABI KA ISME-MUBARAK RAWAA'N HUWA.!
Tashreef Shaahe-Deen Ka Laana Jaha'n Huwa.,
Wo Khitta-E-Zameen To Jannat Nishaa'n Huwa,,
Kono-Makaa'n Me Phel Gaee Boo-E-Ambari.,
Jab-Jab Labo'n Pe Naam-E-Muhammad Rawaa'n Huwa,,
Ummat Ataa Jo Kee Hamein Apne Habeeb Ki.,
Ahsaan Aasiyo'n Pe Tera Laa-Makaa'n Huwa,,
Taareekiyo'n Ka Raaj Tha Aalam Pe Chaar Soo.,
Aamad Se Mustafa Ki Munawwar Jaha'n Huwa,,
Wahdaaniyat Ka Dars Diya Jab Rasool Ne.,
Tab Abdiyat Ka Raaz Jaha'n Par Ayaa'n Huwa,,
Salle Ala Ke Chashme Dilo'n Se Ubal Pade.,
"Har Saa'ns Fart-E-e-Shauq Nikhat Fishaa'n Huwa",,
Kal Shab "Siraj" Khwab Me Aaye They Mustafa.,
Allah Jaane Sach Tha K Mujhko Gumaa'n Huwa....!
SIRAJ DEHLVI @ O.P.AGARWAL 27/12/2014
|