Ghazal- Gila Kyunkar Karein Koi Khizan Se.,
Hifaazat Ho Na Paai Bagban Se.,
Use Manzil N Ho Paai Mayssar.,
Jo Bichhda Hai Qadeemi Kaarvan Se,,
Nighaahen Ferlin Jab Meharbaan Ne.,
Rakhein Ummid Kya Na-Meharbaan Se,,
Ye Zulmo-Barbariyyat Band Kar Do.,
Qehar Barsega Warna Aasaman Se,,
Mujhe Aye Waqt Is Se Door Le Chal.,
Main Ab Ukta Gaya Hoon Is Jahan Se,,
Bahut Main Sun Chuka Teri Zubaani.,
Mujhe Kahna Hai Kuchh Apni Zubaan Se…
‘Siraj Insaaniyat Mitne Lagi Hai.,
Sada Aati Hai Ye Kono-Makaa.n Se…!
Siraj Dehlvi @ O.P.Agarwal 17.02.2014
|