Usne kaha tha aaoonga kal,
Ginta tha main ek ek pal,

Kal aayaa aur guzar gaya,
Aaya nahin woh jaan e ghazal,

Dekh raha hoon uski raah,
Pad gaye peshani par bal,

Pooch raha hoon logon se,
Jhank rahe hain sabhi baghal,

Bool utha mujh se yeh raqeeb,
Meri tarah ab tu bhi jal,

Koi nahin hai uske siwa,
Kare jo meri mushkil hal,

Aati hai jab uski yaad,
Man ho jata hai chanchal,

Uska kheram e naaz na pooch,
Khati ho jaise naagin bal,

Soz e duroon jab laya rang,
Shama e mohabbat gaii pighal,
,Uska iradah gayaa badal,

Ahmad Ali Barqi hai shaad,
Us ki tabiat gaii sanbhal.