HUM UN KO DHOODHTE HAIN YEH MAHZAR LIYE HUE
ANDAR LIYE HUE KABHI BAHAR LIYE HUE

TABEER E KWAB KE LIYE PHIRTE HAI DAR BADAR
HUM APNI KHWABGAAH KA MANZAR LIYE HUE

SAUDA E ISHQ KE SIVA JIS MEIN NAHIN HAI KUCHH
KHANA BADOSH PHIRTE HAIN WOH SAR LIYE HUE

AB TAK SAMAJH RAHE THE JINHEIN APNA KHAIR KHWAH
AAYE HAIN AASTEEN MEIN KHANJAR LIYE HUE

HAI WAHDATUL WAJOOD KE DARYA MAIN MAUJ ZAN
"QATRA HAI BEQARAR SAMUNDAR LIYE HUE"

SOCHA HAI PESH ABK KREIN US GUL AZAAR KO
GULHA E FIKR O FUN KA YEH DAFTAR LIYE HUE

SHAYAD USE QUBOOL HO BARQI KI PESHKASH
SAB KO DIKHA E CHEHRA E ANWAR LIYE HUE