|
* You’n ehtamam kham-o-timtaraq karte rahe *
You’n ehtamam kham-o-timtaraq karte rahe,
Har inheraf se ham ittefaq karte rahe,
Yeh tha kuchh aur hi mazmoo’n ,so ham mutala ishq,
Bela khayal seyaq-o-sabaq karte rahe,
Nikalne the kisi tor qurbato’n ke jawaz,
Daraz silsila-e-ifteraq karte rahe,
Batarze lutf uthate rahe hazeemat shauq,
Barenge wasle bayan firaq karte rahe,
Bahat ajeeb thee apni sarisht itni ajeeb,
Ke dosti bhi bara-e-nefaq karte rahe,
Gira hua tha bahat naqdo faham ka meyar,
To shayeri nahi’n ham bhi mazaq karte rahe.
A-102, marjina complex,
Gulshan-e-Iqbal 13- B,
Karachi (Pakistan)
|
|