Yu'n ehtamam kham-o-timtaraq karte rahe,
Har inheraf se ham ittefaq karte rahe,

Yeh tha kuchh aur hi mazmoo'n ,so ham mutaalae ishq,
Bela khayaal seyaq-o-sabaq karte rahe,

Nikaalne the kisi taur qurbato'n ke jawaz,
Daraaz silsila-e-ifteraaq karte rahe,

Batarze lutf uthaTe rahe hazeemate shauq,
Barange wasle bayaane firaq karte rahe,

Bahut ajeeb thee apni sarisht itni ajeeb,
Ke dosti bhi bara-e-nefaaq karte rahe,

Gira hua tha bahut naqdo faham ka miiyaar,
To shayari nahi'n ham bhi mazaq karte rahe.

					A-102, marjina complex,
					Gulshan-e-Iqbal 13- B,
					Karachi (Pakistan)