کوئی چودھویں* رات کا چاند بن کر تمھارے تصور میں آیا تو ہو گا
کسی سے تو کی ہو گی تم نے محبت، کسی کو گلے سے لگایا تو گا

خیالوں کی انگنائیوں میں میری یاد کے پھول مہکے تو ہوں گے
کبھی اپنی آنکھوں کے کاجل سے تم نے، میرا نام لکھ کر مٹایا تو ہو گا

لبوں سے محبت کا جادو جگا کر، بھری بزم میں، سب سے نظریں بچا کر
نگاہوں کی راہوں سے دل میں سما کر، کسی نے تمہیں بھی چرایا تو ہو گا

کبھی آئینے سے نگاہیں*ملا کر، جو لی ہو گی بھرپور انگڑائی تم نے
تو گھبرا کے خود تیری انگڑائیوں نے، تیرے حسن کو گُدگُدایا تو ہو گا 

نگاہوں میں شمعِ تمنا جلا کر، تکی ہوں گی تم نے بھی راہیں کسی کی
کسی نے تو وعدہ کیا ہو گا تم سے، کسی نے تمہیں بھی رُلایا تو ہو گا