|
* دھوم مچائے رنگ جمائے *
بارش
دھوم مچائے رنگ جمائے
رنگ برنگے گل مہکائے
جنگل جھومے اور مسکائے
پنچھی پنچھی شور مچائے
ہر جانب جل تھل ہو جائے
جب بھی چھم چھم بارش آئے
دریا دریا آئی روانی
ہر ذرّے پر چھائی جوانی
یوں ہی دنیا نہیں دیوانی
بارش کی خوش رنگ کہانی
خوشیوں کے سب تحفے لائے
جب بھی چھم چھم بارش آئے
فلک فلک بادل گرجے ہیں
دھنک دھنک جلوے بکھرے ہیں
چھنک چھنک بوندیں ٹپکے ہیں
لچک لچک شاخیں جھومیں ہیں
مور تھرکتے پر پھیلائے
جب بھی چھم چھم بارش آئے
بھیگی بھیگی رات آئی ہے
چاند اور تارے سنگ لائی ہے
پیارا موسم تنہائی ہے
دل پر مایوسی چھائی ہے
ترے ملن کی یاد ستائے
جب بھی چھم چھم بارش آئے
علیم طاہر
Mominpura, Survey No.19, H.No.51,
Maligaon, Nasic (M.S)
Mob: 9323177531 , 8976294034
Email: aleemtahir12@gmail.com
بشکریہ: مشتاق دربھنگوی
………………………………
|
|