غزل

آدمی جھوٹی خوشی کے واسطے
گرگیا ہے برتری کے واسطے

پھول کا کانٹوں سے ملتا ہے جواب
کیا کرے کوئی کسی کے واسطے

کی ہے ہم نے سیکڑوں سے دشمنی
آپ کی اک دوستی کے واسطے

اشک پی لیتا ہے کتنے رات دن
غنچہ غنچہ اک ہنسی کے واسطے

کس قدر حالات ابتر ہوگئے
رو رہا ہے دل ہنسی کے واسطے

ساری بستی میں اندھیرا کر دیا
اپنے گھر کی روشنی کے واسطے

مجھ کو جو کرنا نہ تھا وہ بھی کیا
دلربا کی دلبری کے واسطے

دے چکا طاہر خدا کا واسطہ
دشمنوں کو دوستی کے واسطے

علیم طاہر

Mominpura, Survey No.19, H.No.51,
Maligaon, Nasic (M.S)
Mob: 9323177531 , 8976294034
Email: aleemtahir12@gmail.com
بشکریہ: مشتاق دربھنگوی
…………………